TACLOBAN CITY — Dakop an usa nga magtala amay nga nagpapasarang hin mga peke nga P1,000 peso bill ha Basey ngan Marabut Samar mahuman nga dumangop ha stasyon han kapulisan an 4 nga nabiktima hini.
Ginkilala an mga suspek kanda Roberto Sta. Maria, 60 anyos an pangidaron ngan anak hini nga hi Rowell Sta. Maria, 32 anyos pareho mga residente han Barangay Ulabtingan, Cebu City.
Sumala kan SPO2 Reynaldo Lanto han Basey PNP, nga modus han mga suspek an pagpasangil pagpalit hin mga talagudti nga item ha mga tindahan partikular na an mga ada ha ligid han kalsada gamit an ira peke nga P1,000 bill.
Nahisabutan nga labot la ha 2 nga suspek in mayda pa an mga ini iba nga mga kagrupo nga dayo gihapon tikang ha Cebu ngan pumakadi la ha sinirangang bisayas agud nga igpasarang an mga peke nga kwarta ha bugos nga rehiyon.
Panawagan naman mao nga opisyal ha publiko labi na ha mga may tindahan nga maging ikmat ha mga iginbabayad nga kwarta partikular na an P1,000 bill agud nga diri mabiktima han mga parapannguwat.
