TACLOBAN CITY- Nakit-an nga waray na kinabuhi an duha nga mga menor de edad nga magbugto nga usa nga Grade 10 student nga 16 anyos ngan Pre-school pupil nga 6 anyos
Sumala kan Police Lieutenant Colonel Maria Bella Rentuaya, tagapagyakan han Police Regional office 8, nga nabaraka an nanay han kabataan mahuman nga umabot na ha upat ka adlaw dida han Pebrero 28 nga waray uuli an iya mga anak sanglit napagdesisyonan hine nga lanaton na an mga hine ,pero sumala naman ha lolo han mga ine nga umuli liwat pagkakinabuwasan an iya mga apo.
Ngan ha pareho gihapon nga adlaw in ira ginpamiling an kabataan nga nakit-an ha bukid nga parte han Brgy. Macatingog, Oquendo District, Calbayog City nga aada na ha state of decomposition.
Una na han mao nga insedente dida han Pebrero 23 in bumisita an magbugto ha balay han ira lolo ha mao nga lugar ngan umuli naman pagkabuwas han aga han Pebrero 24 ngan ha pareho gihapon nga adlaw in bumalik ine ngadto han ira lolo.
Dayon naman nga personal nga ginreport han kapitan han Brgy Macatingog, Oquendo District, Calbayog City ha kapulisan nga mayda duha nga magbugto nga menor de edad an nakit-an nga waray na kinabuhi.
Hapagkayana in padayon an imbestigasyon han Calbayon Police Station ha koordinasyon han City Health agud nga matagan hin hustisya an kamatayon han duha nga menor de edad nga ginpili na nga dire pan-ngaran matungod han kasobra ka maselan nga panhitabo.
