TACLOBAN CITY – Samaran an duwa nga magbugto mahuman nga magtigbasay matungod han away parte cellphone ha Brgy. San Pedro, Alangalang, Leyte.
Ginkilala an biktima nga hi Israel Beltran, 38 anyos, parag-uma ngan residente han mao nga lugar.
Samtang an suspek naman in nakilala kan Elmer Beltran, 34 anyos an pangidaron.
Sumala kan Pol. Lt. Fidel Triste Jr., hepe han Alang-alang Police Station, nga nagka-ada hin mapaso nga komprontasyon an mao nga magbugto kasumpay ha cellphone han biktima nga gin prenda ngada ha suspek.
Nahibaruan nga lulukaton na unta han biktima an iya cellphone han mahisabutan nga may guba na ngayan ini, matungod han kangaralson in nakapanyakan ini hin magraot nga nagduso liwat ha suspek para kumuha han iya sundang ngan dayon ini nga gintigbas ngan bumulos naman an biktima.
Nag-angkon naman an mga ini hin samad ha lawas ngan yana in nagpapaupay na ha Eastern Visayas Regional Medical Center.
