TACLOBAN CITY – Nakab-ot han City Government han Maasin an zero rabies case ha sakob hin upat katuig.
Ini naman an naging pahayag han city veterinarian nga hi Dr. Rey Alinsub.
Sumala ha mao nga doktor, tikang pa han tuig 2014 in waray pa may naireport nga kaso hin rabies bisan man kun may mga nahipatik nga insidente hin kagat hin ayam.
Dugang pa ni Alinsub, pirmi nira gintatalinguha nga makab-ot an target han World Health Organization (WHO) standards pinaagi han pagdumara hin vaccinations ha 70 percent han kabug-usan nga populasyon han lugar.
Yana naman na tuig in nalabwan ini han Maasin kun diin umabot ha 80 percent han total population hini an nabakunahan.
Maabot ha 6,400 nga mga ayam an kalakip han mass vaccination yana nga tuig labot la ha iba nga mga ayam nga ginpa-immunize ha mga pribado nag veterinary clinics.
Nahibaruan nga kinada tuig nga gindudumara ha Maasin an mass vaccination ha 70 nga mga barangay ha syudad.
