TACLOBAN CITY – Padayon an gindudumara nga swab testing kada adlaw ha mga empleyado han Eastern Visayas Regional Medical Center (EVRMC).
Una hini, maabot ha 1500 nga mga empleyado han EVRMC ha Magsaysay ngan Bagacay an target nga mapailarom ha COVID-19 testing.
Sumala kan Dra. Amelita Avenido Medical Specialist 3 ngan ISO Point Person Head Strategy Management han EVRMC, an mao nga pitad in subay ha kamanduhan han ira hospital chief.
Kada adlaw in 20 nga mga empleyado an ginpapailarom ha swab test kun diin nakadepende an schedule hini ha ira industrial clinic.
Ginklaro naman hini nga an pagpapailarom han tanan nga mga empleyado han EVRMC ha swab test in dire mahitungod nga mayda usa haira nga nagpositibo kundi tungod nga ini in kamanduan han Chief of Hospital Dr. Salvador Evardone.
