TACLOBAN CITY – Nagpahimatngon an Land Transportation Franchising and Regulatory Board (LTFRB) Regional Office 8 ha publiko nga mag-andam na ha nakatalaan nga implementasyon han No Face Mask and Face Shield, NO Ride Policy.
Una hini, base ha ginpalusad nga memorandum circular magiging epektibo ha maabot nga Agusto kinse an mao nga palisiya kun diin dire na makakasakay ha pampubliko nga mga sarakyan an waray sul-ot nga face shield ngan face mask.
Sumala kan Gualberto Gualberto, Regional Director han LTFRB 8, magigin mahugot an ira pagbabantay ha mga dire magsusunod ha mao nga palisiya kun diin may kaangayan nga penalidad ha hino man nga matalapas hini.
Nakatalaan naman nga magpagawas hin mga advisories ha social media ngan trimedia an LTFRB agud nga padayon nga mapahinumdom ha publiko an bahin han mao nga palisiya.
