-- Advertisements --
TACLOBAN CITY- Guinsisiguro han Leyte Police Provincial Office ( LPPO) an katalwasan han probinsya ha luyo han natatabo nga kasamok ha Marawi City ha Mindanao.
Sumala kan PSSupt. Norberto Tuazon, tagmangulo han LPPO nga may nakatuka nga mga kapulisan ha mga terminal agud nga masiguro nga waray makasulod nga dudbale nga katawhan ha rehiyon.
Dugang pa ni Tuazon nga an mga bungto han Matalom ngan Mahaplag, Leyte an duro nga guintutukan ha pagkayana mahitungod nga amo ini an mga boundaries nga pinakaharani ha Mindanao.
Samtang, guindasig naman han mao nga opisyal an mga taga rehiyon 8 nga diri igkahadlok ngan igkalisang an natatabo nga kasamok ha Marawi City mahitungod nga harayo daw ini nga manabo guihapon ha Sinirangan Bisayas.
