Iginduduso ni Parañaque 2nd District Rep. Brian Yamsuan an House Bill 7868 nga panuyo bumug-os hin panmaihaan nga plano agud mabaton an kakulangan han mga libro ha pampubliko nga iskuylahan ngan masigurado nga an mga learning materials in napapanahon ngan sakto ha panginahanglan han mga istudyante.
Ha ilarom han panukala, magkasugbong nga magbubug-os an Department of Education (DepEd) ngan National Book Development Board (NBDB) hin National Textbook and Learning Resources Plan nga magtutudlok han mga polisiya agud masigurado an suprisyente nga suplay han mga libro ngan regular nga pagre-repaso ha mga ini kada lima katuig.
Igin suhestyon gihapon ni Yamsuan an pagpapahaluag han pag-imprenya han mga libro ha regionl level kun posible, agud mapakusog an produksyon ha Visayas ngan Mindanao. Nakasulod gihapon ha panukala an hinay-hinay nga pagbalhin ha private sector han pagpublisar ngan distribusyon han mga libre ha sulod han tulo katuig, samtang babantayan ini han NBDB.
Kaupod gihapon ha panukala an pagkilala han electronic publications kumo mga libro, pagbug-os hin mga materyales para ha mga istudyante nga mayda kapansanan, ngan pagtukod hin Textbook Review Committees agud siguraduhon an kalidad han pagigih sakto han mga libro nga gagamiton ha mga pampubliko nga iskuylahan.
Sumala kan Yamsuan, importante an pagkakamay-ada hin sakto ngan dekalidad nga mga libro agud mapahitaas an kapas ha pagbasa han mga istudyante ngan mabaton an maiha na nga problema ha kakulangan han learning material ha mga pampubliko nga iskuylahan.
