ODD NEWS – Usa nga 70-anyos nga historry buff tikang ha India an nakaghipatik hin world record ha pinakadamo nga koleksyon hin radyo.
Hi Ram Singh Bouddh Ram Singh Bouddh in mayda koleksyon hin 1,257 nga mga radyo, mas damo kumpara ha previous record nga 625.
Nagtikang an iya koleksyon han aghaton ni Prime Minister Narendra Modi an mga molopyo han India nga magtindog hin kalugaringon nga museo agud mapabilin an Indian culture.
Ha sulod han 10-katuig, nalahusan ni Ram an tulo nga atake ha kasing-kasing, ngan financial problems agud mapa-ursa an iya museo, nga makikit-an ha Siddharth Inter College.
Usa ha pinak-espesyal hine nga radyo in ginamit agud pamatian an balita han pagpatay kan Mahatma Gandhi dida han 1948.
Mayda gihapon ine mga radyo nga ginamit ha gyera ngan ha submarine.
