TACLOBAN CITY– Arestado han mga kapulisan an usa na buko juice vendor mahuman nga mangastigo han usa na lolo ha syudad han Tacloban.
Sumala kan PCI Rex Cantillep, tagapagyakan han Tacloban City Police Office na guinkilala an biktima kan Rodrigo
Tucson Redoña alyas Rudy, 64 anyos an pangidaron, scrap collector ngan residente han Brangay Malaginabot, Buaruen, Leyte.
Samtang, guinkilala naman an suspek kan Jerry Icao Matas, 30 anyos an pangidaron, may live-in partner, buko juice
vendor ngan residente han Barangay 62 Sagkahan, Tacloban City.
Guinmalatumat pa ni Cantillep na basi ha guinbuhat na imbestigasyon na guinsuspetsaran han suspek an mao na lolo nga daw nanmolestya han iya anak na amo an nagduso hini na kastiguhon an mao na lolo.
Nagresulta naman an mao na pangastigo ha pagkatumba han biktima ha kalsada mahitungod han naangkon na mga bun-og ha kalawasan.
Dagmit naman na guindalagan an biktima ha Eastern Visayas Regional Medicalo Center ( EVRMC).
