LA PAZ, LEYTE – Nagpagawas hin pahimatngon an La Paz Tourism Office ha publiko may pag hisumpay han nahitabo nga pagkaguba han landscape han Kalabato Hot Spring and Eco-Park mahuman an babaha nga na-eksperyensyahan ha lugar han nakalabay nga adlaw.
Mahitungod han uuran ngan pagbabaha, in temporaryo la anay nga gin sadhan ha publiko an usa nga sikat nga lokal tourist attraction han La Paz, Leyte nga Kalabato Hot Spring and Eco-Park mahitungod nga an pira nga mga agi-an, tulay, ngan mga natural rocks formation ha nasabi nga lugar in naguba ngan diri liwat talwas para ha publiko nga mabisita.
Sumala kan La Paz Executive Assistant, Froilan Pundavela, nga tungod han nahinabo nga babaha in dako an naging damage hini ha nasabi nga Hot Spring ngan nanginginahanglan ini hin supresyente nga pondo agud matikangan an rehabilitation han mao nga area. Kun diin, amo gihapon an rason kun kay ano baga diri pa natitikangan iton rehabilitation and construction han nasabi nga tourist attraction mahitungod nga kulang iton pondo hiton lokal nga pangobyernohan.
Dugang pa ni Pundavela, ig re-reprap la anay an nasabi nga lugar samtang gin huhulat iton kabatonan ha gin aaro nga assistance han lokal nga pan gobyernohan han La Paz ha Department of Tourism agud mabuligan an bungto nga mahibalik ngan marehabilitar an area kaupod an tourism road nga naapektaran han babaha.
Waray naman daw angay ig kabaraka an publiko han Kalabato formation nga gin dadayo han katawhan tungod han igindudurot hini nga natural nga kapaso nga nakakagdurot hin relaxation ha kalawasan bisan pa man kun baga na tinggiban ini hin guti, in mahihibalik ini hin natural ha tinuod niya hini nga hitsura mahitungod nga himo ini hin calcium carbonate nga amo iton na deposit hiton natural nga kapaso ngan usa pa nga bulig hini in an iya natural nga kolor nga tikang liwat ha algae.
Samtang, gin uuna naman anay yana han lokal nga pan gobyernohan han La Paz nga ma asikaso ngan mahilugar an dalagan han tubig ha may nahitabuan nga landslide mahitungod nga ha pagkayana in an dalagan han tubig ha nasabi nga area in tipakadto ha kalsada nga subay kan Pundavela in kun pasagdan la ini, in maguguba liwat iton kalsada.
An Kalabato Hot Spring and Eco-Park man gud in an usa nga tourist destination hiton La Paz nga nahihimutang ha Brgy. Bocawon La Paz, Leyte nga kun diin an mao nga Hot Spring in an igbaw nga parte han may nahipatik nga landslide ha nasabi nga bungto.
