TACLOBAN CITY- Ginmatumat hiton Bureau of Fisheries and Aquatic Resources (BFAR) Eastern Visayas, nga ada ha ilarom han Local Red Tide Warning an baybayon hiton Eastern Samar (General MacArthur, Quinapondan, Hernani, ngan Salcedo).
Sumala kan Christine Gresola,Information Officer, BFAR-Vlll, ine in mahitungod ha nakolekta nga filtered seawater samples ha nasabi nga kadagatan.
Sanglit, kasumpay hine ginpapaghirot an publiko ngan sumunod ha precautionary measure kumo pag-ikmat agud nga dire mahingadto ha kadelikaduhan nga posible maidurot han pagkaon hiton mga lamang-dagat.
Dugang pa ni Gresola, likayan la anay an panguha, pagkaon, pagbaligya ngan pag-transport han mga nasabi na lamang-dagat tikang han nasabi nga mga kabaybayunan.
Samtang an isda, nu-os, pasayan, ngan masag, in pwede nga igkonsumo, kinahanglan la nga siguraduhon nga presko an mga ine ngan tatangalan hin hasang sugadman in hugasan hin running water.
