TACLOBAN CITY– Suportado hiton Federation han Tacloban City PWD, an ginduduso nga magkamayda hin access adton mga PWDs ngan Senior citizens ha mga hinabang ngan mas madagmit nga access ha mga programa.
Sumala kan Raymond Gaspay, Federation President han Tacloban City PWD, dako nga bulig nga maikokonsidera an plano nga pagtindogon nga Local Job Facilitation Offices- para ha mga senior citizens and PWDs ha pagbiling hin trabaho, ngan mas mapadagmit an ira access.
Suhestyon hine, nga kun baga madadayon ine nga program proposal para ha mga PWD’s and senior citizens, kinahanglan anay nga magkamyad hin mga training center, agud nga magkamayda hin job-matching ngan mayda na background experience an mga masulod ha nasabi nga trabaho.
Dugang pa niya, maiihap la mangud dinhi ha syudad an mga establisyemento nga na ngangarawat hin mga PWD’s, sanglit nga maupay ine nga plano kun baga matutuman para magkamyada an mga PWD’s han ira kalugaringon mga trabaho.
Mababaruan, nga mayda mangud mga establisyemento nga higtaas an ginbibiling nga qualification, kun diin kadam-an in dire tugma ha ginbibiling mga employee an usa nga aplikante.
