TACLOBAN CITY – Gindeklara an usa nga turista ha Kalanggaman Island han Local Government Unit of Palompon, Leyte mahuman nga magpaambit ini ha social media han iya pagkakadismaya ha mao nga isla durante han iya pagbisita.
An turista nga hi Loven Lumapas Hill, miyembro han LGBTQ, residente han Brgy. Tagbubunga, Villaba, Leyte ngan nag uukoy na ha iba nga nasud in bumisita kaupod an iya pamilya dida han Mayo 19, 2024 ha Kalanggaman Island, in kinalasan daw ini ha paghitaas han rate sugad han renta han pumpboat, entrance fee ngan waray daw klaro nga serbisyo.
Lakip gihapon ha iginpaambit ni Hill ha iya social media an iya naman pagkakadismaya tungod han mga patay nga mga corals, ngan limitado daw gihapon nga oras han Water Activities.
Sumala naman han local nga panggobyernuhan han Palompon, nga an rason han ira pagdedeklara kumo persona non grata in an pagtalapas ha Municipal Ordinance No. 476-080523 tungod daw an pagdeklara han iya guest status nga nagresulta naman nga pagkakaalkanse ha pinansyal han munisipyo.
Dugang pa hini nga an ikaduha daw nga rason in an pagpost ni Hill hin malisyuso ngan sayop nga importasyon.
Pagdepensa naman ni Hill nga nagpaambit la man daw hiya han iya ginbati ngan naekspersyahan han pagbisita han isla kaupod an iya pamilya pinaagi naman ha social media.
Abre naman an Bombo Radyo Tacloban para han kabatunan han mga dabi.
