TACLOBAN CITY–Ginbaton han Leyte Metropolitan Water District (LMWD) an mga pamakiana han kosumidor kun anu an rason han pagkawaray hin awas ha sulod hiton 2 ka-adlaw.
Sumala kan Ronnie Cornico, General Manager han LMWD, ugsa an nasabi nga water interruption, nagpagawas anay an ira buhatan hin abiso nga nagpapasabot ha mga konsumidor nga mawarayan an mga ine hin tubig.
Dugang pa ni Cornico, usa ha mga rason kun kay-anu waray makagpaawas, ine in matungod nga mayda hira ginhimo nga paghingayad ha 24-inch diameter transmission pipeline ha may Utap Bridge widening project.
Mababaruan nga sakop han nagin apektado nga lugar an bug-os nga downtown area han Tacloban, V&G Subdivision, Sagkahan, Apitong, Abucay, Naga-Naga, PHHC, Nula-Tula, Tigbao, Cabalawan ngan Bagacay.
Kalakip gihapon nga nagin apektado an Pawing, Candahug Baras ngan San Jose Palo Leyte, ngan Barangay Tingib han Pastrana Leyte, sagadman an Brgy. Parasan Jaro Leyte.
