TACLOBAN CITY– Ginpaangbit hiton Leyte Metropolitan Water District, nga adlaw-adlaw nira ginpapahinumduman an mga contractor nga nag-aayad hiton mayda mga leakage ha tubo, nga kasagaran nagigin rason kun kay-anu nga maluya iton volume han tubig nga nakakarawat hiton mga konsumidor.
Sumala kan Ronnie CornicoGeneral Manager, Leyte Metropolitan Water District, ira na ginhihimuan hin solusyon an mga araba hiton konsumidor, ngan padayon an ira ginhihimo nga mga paghingyad hiton usa nga ginkukuhaan han suplay hiton tubig nga nahihimutang ha Sta. Fe Leyte.
Ginpatapod naman hine nga mahuhuman na an ira paghingayad ha may Sta. Fe Leyte, matungod nga han nakalabay pa nga bulan ine gintikangan.
Naglalaom naman an nasabi nga opisyal, nga pananglitan mahuman na an paghingayad ha Sta. Fe Leyte, in maiibanan na iton mga reklamo han mga konsumidor kasumpay han ira nakakarawat nga suplay hiton tubig.
