TACLOBAN CITY- Guindangop ha Bombo Radyo Tacloban han pira nga trainee han livelihood program han City Goverment han Tacloban an waray pa karerelease nga training allowance han mga ini.
Sumala han pira nga tagreklamo nga hasata ha pagkayana waray pa kahahatag ha ira an training allowance mahuman nga guinpailarom han CLEP program partikular an cosmetology.
Guinmalatumat pa han mga ini nga nagtikang an ira training dida pa han nakalabay nga Febrero 20 hasta Marso 14 kun diin waray pa makarawat an 260 pesos ha sulod hin 15 kaadlaw nga training.
Samtang, guinbaton naman han CLEP In-charge nga hi Maam Mae Marie Reyes nga waray pa kaayos an accrediation han usa nga pribado nga skwelahan ha TESDA nga amo an nagkakapot han mao nga programa.
An kaparte han kabatunan ni CLEP In-charge nga hi Maam Mae Marie Reyes
