TACLOBAN CITY– Padayon an ginhahatag nga livelihood program han Technical Education And Skills Development Authority TESDA, para ha mga drug surenderee nga nakahuman na han ira rehabilation.
Sumala kan Alexandra Gin Valeriano, Information Officer han TESDA, nga hapagkayana ginpapamulat pa nira an pinal nga listahan kun pira an pwede ig akomodar han ira buhatan, ngan kun anu nga mga kurso an abelable nga pwede naman kuhaon han mga surenderee.
Ginpaangbit naman han mao nga opisyal, nga han nakalabay nga tuig maabot ha 38 nga mga drug surenderee an ira nabuligan ngan nakapag-gradwar han ira mga ginkuha nga kurso nga pwede magamit nga pakabuhi han mga ine.
Panuyo han buhatan han TESDA, makabulig ha mga drug surenderee pinaagi han pagkuha hin livelihood nga pwede magamit han mga ine nga makapagpakabuhi hin matadong.
Pananglitan naman makagradwar an usa nga surenderee, in bubuligan an mga ine nga magkamayda hin koneksyon partikular na ha mga ahensya kun diin an mga ine nag OJT, ngan sugadman nakikipagsumpayan gihapon an TESDA ha DOLE-8 agud nga makaghatag hin giya nga makag pakabuhi an mga ine hin normal.
