TACLOBAN CITY – Magpapatuman hin Liquor ngan Noise Ban an syudad han Tacloban ha sulod han 500-meter nga distansya han DVOREF, kun diin pagdudumaraon an 2025 Bar Exam yana nga bulan han Setyembre.
Mahitungod hine in ginpalusad an Executive Order No. 2025-08-44 nga nagdidire ha pagbaligya, pagdistribwer, ngan pagkunsumo hin makahurubog nga irimnon ngan pagdidire han ngatanan nga klase han nakakadisturbo nga aringasa.
Panuyo han nasabi nga kamanduhan nga magin hapsay ngan mahimyang an pagdumara han eksaminasyon, sugadman in makag-pokus ha paghuna-huna an mga bar examinees.
Nagin epektibo an EO tinikangan kanina han alas-12 han maagahon kutob alas-10 hiton gab-i, ngan mag-iiha kutob Setyembre 14.
Nakatalaan naman pagdumaraon an eksaminasyon yana nga Setyembre 7, Dominggo; Setyembre 10, Myerkules; ngan Setyembre 14, Dominggo.
