TACLOBAN CITY – Gin-abat liwat ha siyudad han Tacloban ngan pira nga mga probinsya han Leyte ngan Southern Leyte an pagbay-og tikang han magnitude nga linog nga umigo ha Surigao City kagab-e.
Gin-abat an:
Intensity III – Tacloban City ngan Tanuan, Leyte
Intensity IV – Hinunangan, Southern Leyte
Intensity V – San Ricardo, Limasawa ngan San Francisco, Southern Leyte
Intensity VI – Pintuyan, Southern Leyte.
Sumala naman Office of the Civil Defense (OCD-8) Regional Director Edgar Posadas, nga hamabaw an epicenter han linog ngan ada ini ha 11 Kilometro an kahilarum rasun agud nga maabat ini ha mga kahagrani nga lugar partikular na ha siyudad han Tacloban.
Gin-abat liwat an damo nga mga aftershocks.
Pero ha luyo han mga naabat nga aftershocks in waray naman naireport nga duro nga destroso durot han Linog.
“We’re very thankful na wala pong nangyari sa ating rehiyon so far, wala pong naiulat na namatay, walang naiulat na epekto sa imprastraktura, at wala din pong naiulat na major damages that will cause alarm”, pahayag ni Posadas
May distansya nga 237 Kilometro an kahirayo han Tacloban tikadto ha Surigao City.
Mayda gihapon mga Ro-Ro vessel nga nagseserbisyo ha butnga han Leyte ngan Surigao Provinces.
