NATIONAL – Iginduduso ni Leyte 1st district Rep. Ferdinand Martin Romualdez an balaudnon nga House Bill No. 7 o an Bank Secrecy Law.
Ginmalatumat ni Romualdez nga an Pilipinas in dire dapat magin “safe haven” o kanlungan para ha “dirty money” nga tikang ha mga ilegal nga aktibidad.
Panuyo han nasabi nga balaudnon nga mapakusog an regulators agud maatuhan an korapsyon, panguwat, ngan iba pa nga krimen ha pananalapi, nga nagpapahinay ha pagtapod han publiko.
Sumala pa kan Romualdez, outdated na an mga probisyon han presente nga balaod sanglit naaabuso han mga dabi ha money laundering, tax evasion, ngan kurapsyon.
Nakukurian daw gihapon an regulators ngan mga nag-iimbestiga nga igpagawas an mga sayop nga buruhaton sanglit na na hin pagbabag-o.
Sanglit kun magin balaod, aamyendahan an Republic Act 1405 agud matuugutan an Bangko Sentral ng Pilipinas o BSP nga mapanginano an bank deposits, kaupod an foreign currency accounts, ha ilarom han mahugot ngan limitado nga kondisyon kun diin mayda kaduda-duda ngan ilegal nga aktibidad.
Mas mabug-at naman nga sirot an iginduduso han House Bill kontra ha mga magtatalapas, sugad han pagkakapreso hin duha ngada ha napulo katuig, ngan multa nga P50,000 ngada ha P2 million.
