-- Advertisements --
TACLOBAN CITY – Nangaro hin pag intindi an pamunuan han Leyte Electric Cooperative (LEYECO II) ha tanan nga konsumedor kasunod ha nakatalaan nga NGCP power interruption yana nga maabot nga dominggo.
Una hini in nagpagawas hin power advisory an Leyeco II kasumpay ha matatabo nga 12 ka oras nga brown out tinikangan 6:00 hiton aga ngada 6:00 hiton gabi.
Sumala kan Cris Garcia, Institutional Services Manager han Leyeco II, nga panuyo han mao nga pagparong an pagpadayon han pamalhin han mga transmission lines nga aada ha mga highway.
Manunumduman nga dida han nakalabay nga dominggo in nagkamay-ada gihapon hin 12 ka oras nga pagparong ha bugos nga nasasakopan han Leyeco II matungod ha nagpapadayon nga relocation hiton mga poste han NGCP.
