TACLOBAN CITY – Samaran an usa nga lalaki mahuman nga pagpusilon han iya kainom ha Brgy. Burabod, Jaro, Leyte.
Ginkilala an biktima nga hi Crisanto Malinao, 41 anyos an pangidaron ngan residente han Brgy. Macalpi, Carigara, Leyte.
Samtang an suspek in nakilala kan Melchor Miralles, 49 anyos, residente han mao nga lugar.
Sumala kan PSSgt. Mark Meridor, imbestigador han Jaro MPS, subay ha inisyal nga imbestigasyon nga nag iinom an biktima ngan han suspek han tigda an mga ini nga nagkabigitay ngan nagresulta ha pagbunot hin pusil han suspek ngan ginpabuthan an biktima.
Nag-angkon ini hin igo ha may tiyan nga parte han iya lawas ngan dayon nga gindara ha pinakaharani nga ospital.
Nagdumara naman hin hot pursuit operation an mga kapulisan kun diin nadakop an suspek nga yana in naatubang na ha kaangayan nga kaso.
