TACLOBAN CITY- Samaran an usa nga lalaki mahuman ini nga pusilon ha usa nga videoke bar ha siyudad han Tacloban.
Ginkilala an biktima nga hi Carlito Paglinawan nga residente han Brgy.46 Juan Luna han syudad hiton Tacloban ngan naging witness naman ha panhitabo an kaupod hine nga hi Allan Presca.
Sumala kan PCapt Daniel Polo OIC han Abucay Police Station 2 nga nakadto han usa nga videoke bar an biktima kaupod an mga suspek han makanta han biktima an kanta han suspek kun diin nagkaada hira hin dire maupay nga debate ha lugar.
Lumikay naman daw an biktima ngan lumakat nala pero ginsundan naman ine han mga suspek ngan samtang nagbabaktas in ginpusil ine kun diin naigo an sugbong hine.
Dayon naman daw nga kumalagiw an riding in tandem mahuman an panhitabo.
Hapagkayana in nagdudumara na hin hot pursuit operation an mga otoridad agud nga madakop an nagpapaluyo han panmusil.
