TACLOBAN CITY – Usa an nahipatik nga samaran ha nahitabo nga sunog ha usa nga panimalay ha Brgy. 48 Magallanes St. Tacloban City.
Ginkilala an samaran nga hi Ernesto Baduya, 76 anyos an pangidaron ngan tag-iya han mao nga panimalay, ngan dayon naman ine nga gintagan hin pauna nga tambal.
Sumala kan Alvin Duran Investigator han Tacloban Fire Station, nagkamay-ada sunog ha usa nga residential nga gintutuuhan nga nagtikang an mao nga panhitabo ha second floor hine nga balay.
Subay han mao nga opisyal, dayon naman ini nga nadara ha ospital ngan ha pagkayana in padayon nga nagpapaupay.
Banda 11:23han udto naman gindeklara nga fire out han mga otoridad an mao nga sunog.
Ginbabana-bana nga maabot ha P170,000 an inisyal nga danyos nga naitala tungod han mao nga insidente.
