-- Advertisements --
TACLOBAN CITY – Patay an usa nga lalaki mahuman nga malummos ha Bangon Falls, Brgy. San Andres, Catbalogan, Samar.
Ginkilala an biktima nga hi Edgar Bakaltos, 49 anyos an pangidaron ngan residente han mao nga barangay.
Sumala kan Petty Officer 3rd Class Arnold Latoha, Chief Master at Arms ng Coast Guard Station ng Western Samar, kaupod han biktima an iya pamilya ha mao nga falls.
Samtang nakarigo an biktima in aksidente ini nga natalindas ha gintatamakan nga bato nga nagin rason para ini in mahulog ngan makurian nga lumangoy.
Nahibaruan nga humagos anay hin usa kaadlaw san-o marekober an patay nga lawas han biktima tungod nga naanod ini han makusog nga tubig ha mao nga falls.
