TACLOBAN CITY – Patay an usa nga lalaki mahuman nga pusilon han iya la mismo kainom ha Barangay 87 San Jose, Tacloban City.
Guinkilala an biktima nga hi Roland Cajendo, 53 anyos pangidaron, usa nga construction worker ngan residente han Sogod, San Jose.
Samtang, guinkilala naman an suspek nga hi Roque Mercado, 34 anyos an pangidaron ngan residente han Barangay 87, San Jose.
Sumala kan PCInsp Rex Cantillep, Tagapagyakan han Tacloban City Police Office (TCPO), nga magkainom an biktima ngan an suspek kun diin nagkamay ada hin mapaso nga pagkabatunay an mga ini.
Resulta naman ini ha tigdaay nga pag-kuha hin 9mm nga pusil han suspek ngan tigda nga gin pabuthan an mao nga biktima.
Dead on the spot an biktima mahuman nga nakangkon ini hin igo hin bala ha dughan.
Dayun naman nga sumurender ha mga otoridad an mao nga suspek.
