TACLOBAN CITY– Dead on arrival an usa nga biktima mahuman ine nga pusilon ha Brgy. Libertad Hilongos Letye.
Sumala kan Hilongos Municipal Police Station, Chief of Police, PMAJ . Edwin Tolibas, nga subay ha ira gindumara nga imbestigasyon, ugsa nga magkamayda hin pamatay in nag inom-inom anay an biktima ngan suspek.
Dugang pa hine, gin-imbitar an suspek matungod nga birthday han bugto hiton biktima, han tabis na an kaorason hinay-hinay nga nagkalakat an mga bisita, ngan an nasalin nga nag-iinom an suspek ngan an biktima.
Ha mao nga senaryo, lumakat an mga ine ngan pira la kaminutos an naglabay, nakabati an pamilya han biktima hin buto han pusil, kun diin dayon liwat ine nira nga ginpanginano.
Nahikalasan an mga ine han makit-an nira nga nahigda na an biktima ngan mayda na dugo matungod han pinusilan.
Dayon naman an mga ine umaro hin bulig ha mga otoridad, kun diin nadakop an suspetsado ha mao nga panhitabo.
Nakag-angkon naman hin inig-an ha may ilarom hiton irok an biktima rason han iya dayon nga kamatayon.
Ha pagkayana, kapot na hiton mga otoridada an suspek ngan napasakahan na ine hin kaso nga murder.
