TACLOBAN CITY – Dead on the spot an usa nga lalaki mahuman panmumusilon hin usa nga riding in tandem ha Brgy. Hamorawon, Calbayog City.
Ginkilala an biktima kan Aris Querubi, 46-anyos an pangidaron ngan residente han Brgy. Hamorawon, Calbayog City.
Sumala kan PLt. Col. Ericson Del Rosario Chief of Pulis hitun Calbayog City Police Station, waray na kinabuhi han maabtan han mga kapulisan an mao nga biktima mahuman nga panmumusilon ine han duha nga lalaki nga sakay hin motorsiklo samtang nagkikita hin basketball han mao nga Brgy.
Basar hitun inisyal nga imbestigasyun, nagkikita la hin mulay nga basketball an biktima han nakalabay nga gabi kun diin tigda la ine panmumusilon han duha nga armado ngan waray kakilal-e nga mga supek.
Nag-angkon hin samad an biktima ha parte hitun iya ulo ngan iya bungkog mahuman nga makadamo ine panmusila han mao nga supetsyado nga nagin kawsa naman han iya dayun nga kamatayon.
Ha pagkayana in padayun la gihapon an imbestigasyun han mga otoridad agud mahibaruan an motibo han mga suspek.
