TACLOBAN CITY – Patay an usa nga lalaki mahuman nga pagpamumusilon hin riding in tandem ha Brgy. Osmeña, Marabut, Samar.
Ginkilala an mao nga biktima nga hi Dionisio Padel, 58 anyos an pangidaron, usa nga paragkahoy o woodsman ngan residente han Brgy. Tinabanan, Marabut Samar.
Sumala kan Pol. Maj. Dexter Astacaan, tagapagyakan han Samar Police Provincial Office (SPPO), subay ha inisyal na imbestigasyon, sakay han iya single nga motorsiklo an biktima para unta sumimba han tigda nala ini nga pagpamumusilon han duha nga suspek nga sakay gihapon hin usa nga motor.
Nag-angkon hin inig-an ha ulo ngan sugbong an mao nga biktima nga naging rason han dayon nga kamatayon hini.Nagawas gihapon ha imbestigasyon nga kompetensya ha negosyo o pakabuhi an motibo han mao nga panmumusil.
Ha pagkayana in padayon an operasyon ngan imbestigasyon han mga kapulisan agud nga matudlok an nagpapaluyo han mao nga krimen.
