TACLOBAN CITY – Waray na kinabuhi an usa nga lalaki mahuman ine nga maghikog han iya kalugaringon ha sulod han ira banyo ha Ormoc City.
Ginkilala an biktima kan Ivan Gonzales alyas” Intoy” 28-anyos usa nga labor ngan residente han Brgy. San Juaquin, Capoocan Leyte ngan presente nga nag-uukoy ha Brgy. Doña Fileza Mejia, Ormoc City.
Sumala kan PLTCOL. Ramil Amodia, Information Officer Ormoc City Police Office, nakit-an nala ine han iya sangkay nga nakabitay na an patay nga lawas ha sulod han banyo han ira balay.
Dugang pa han mao nga opisyal, nga gumamit an biktima hin itom nga cable wire agud nga utasan niya an iya kalugaringon nga kinabuhi.
Ginkikita naman nga rason han mga kapulisan, in an problema ha iya ka-live in partner kun diin urhi nga nabaruan nga nagkamayda ine hin dire pagkaka-intindihay kun diin lumakat an babaye ha Manila ngan nagresulta naman ine han pagbubulag han duwa.
Waray naman may nakit-an nga foul play an mga otoridad ha nasabi nga insidente.
