ODD – Nakaghipatik hin world record an usa nga lalaki ha Las Vegas, USA mahitungod nga abilidad han mga eye sockets hine nga magbutong hin mga magbug-at nga butang.
Ginkumpirma han records keeping organization nga Guinness World Records nga hi Andrew Stanton an pinakabag-o nga record holder han titulo nga “Heaviest Weight Pulled with Eye Sockets”.
Ine in mahitungod nga nakaya hine nga mabutong an usa nga sarakyan nga Cadillac nga mayda sakay nga usa nga tawo pinaagi la han pagsabit han metal hook ha magkaluyo hine nga eye sockets kun diin may kabug-aton an mga ine nga 5,319 pounds.
Labot pa hine, nakuha gihapon ni Stanton an titulo nga “Heaviest Weight Lifted with Both Eye Sockets while Swallowing a Sword’.
Ine in mahuman nga mabutong hine an iya assistant nga may kabug-at nga 129 pounds samtang mayda gintutulon nga espada.
