-- Advertisements --
TACLOBAN CITY — Natad-an nga nakabitay ngan waray na kinabuhi an usa nga lalaki ha Barangay San Isidro, bungto han Abuyog Leyte.
Nakilala an biktima kan Angelito Aries Bañas, 42 anyos an pangidaron ngan residente han mao nga lugar.
Sumala kan P/Capt. Ronald Espina, hepe han Abuyog MPS, nga natad-an an patay nga lawas han biktima ha terrace han panimalay hinin.
Nahibaruan nga ugsa matabo an mao nga insidente in 2 ka adlaw na nga nagiininom an mao nga biktima mahuman nga bulagan han iya uyab.
Samtang, gintanggal naman han mga kapulisan an anggulo nga may foul play ha mao nga panhitabo.
