TACLOBAN CITY — Padayun pa nga gin-iimbestigahan han mga Kapulisan han Tacloban kun ano an nagduso ha usa nga Miyembro han LGBT nga ig-awat an iya kalugaringon nga Kinabuhi Ha Baranggay 88 Alamasag, San Jose siyudad han Tacloban.
Ginkilala an biktima nga hi Edilberto Tanola Superable, 57 anyos an pangidaron, usa nga cigarette vendor ngan residente han mao nga lugar.
Subay ha paghulagway han Amyaw han biktima nga kanina han aga in nakabaho nala hira hin diri maupay nga alimyong.
Han pagpanginano nira ha balay han biktima in didto nira nakit-an nga waray na ini Kinabuhi mahuman nga magbigti. Ginbabana bana nga sobra 24 oras na ini nga patay tungod nga nangingitom ngan nalubo na an bugos nga lawas hinin ngan ginlalangaw na.
Ginpapanginano naman han SOCO an crime scene agud nga masabutan kun mayda ba foul play an mao nga insidente.
Nabaruan nga ugsa nga magpakamatay an biktima in nagpipinamati ini han mga taramdan han Bombo Radyo.
