Padayon nga nagtitikadamo an nagamit hin mga percussive massage gun para ha pagtanggal hin taghom ha kalamnan, pero usa nga makababaraka nga pahimatngon an ginpagawas han mga eksperto ha panlawas mahuman mag-angkon hin duro nga danyos an usa nga lalaki tikang ha Scotland mahitungod ha sayop nga paggamit hini ha iya mga mata.
Ha usa nga case study nga ginpublisar ha BMJ Case Reports, iginpaangbit nira Dr. Niamh O’Connell ngan Dr. Ashraf Khan an nakakakalas nga kaso han usa nga aada ha 20-anyos nga pasyente an nakahibaro nga an iya tu-o nga mata in nagkamay-ada hin gisi ha retina, panhubag, ngan usa nga kondisyon nga gintatawag nga retinal dialysis. An iya wala nga mata naman in na-angkon gihapon hin duro nga panhubag ngan unom nga gudti nga gisi.
Duro nga nagtaka an mga doktor mahitungod nga waray naman history hin sakit ha mata o anuman nga nauna nga trauma ha ulo an pasyente. Han pakianhan kun mayda nahitabo nga kakaiba, gin amin han lalaki nga kada-semana niya ginagamit an masssage gun ha palibot ngan direkta mismo ha iya mga eyeball ha sulod han tulo kabulan agud maibanan an kapoy hini. Napansin la niya an problema han magtikang hiya makakita hin mga nalutaw o floaters ngan pagkislap han lamrag ha iya pangita.
Gin desisyunan han mga doktor nga an malaksi ngan duro nga presyon tikang ha massage gun an nagin rason agud maipit ngan maruba an mga mata han pasyente, nga nahingadto ha duro nga pagka-gisi. Subay ha report, ini an pinakasyahan nga kaso han retinal dialysis ngan bilateral retinal tears nga durot han massage gun.
Makalabay an unom kabulan, nagin stable an kondisyon han pasyente ngan waray na dumuro an danyos.
Naghatag naman hin pahimatngon an mga eksperto nga an mga makina nga gindisenyo para ha kalamnan o muscles in dire bisan san-o angay gamiton ha mga maseselan nga parte han lawas sugad han mata.
