Usa nga daredevil stuntman ha Austria an utro nga nagpabilib pinaagi han pagdanas han usa nga sasakyan samtang nasusunog an iya bug-os nga lawas.
HI Josef Tödtling, nga mas kilala kumo “Burning Joe” mahitungod ha iya reputasyon ha mga full body burn stunts, an nagin pinaksyahan nga tawo nga nakakuha hin record para ha “fastest 100 meter car pull in full body burn.”
Nahimo ine niya ha sulod la han 56.42 seconds ha Vienna dida han June 24.
Ha usa nga nakakabilib nga video, makikit-an hi Josef nga ginagamit an iya bug-os nga kusog agud danason an usa nga sasakyan ha karsada samtang putos hin kalayo an iya lawas. Mayda naman usa pa nga tawo nga may dara nga fire extinguisher nga nakabantay ha sapit hine, sandam nga umaksyon kun mayda mahitabo nga maraot ha iya stunt.
Mahuman nga maabot an katapusan han 100 meters in lumaprak ine ha tuna ngan dayun naman nga gtinpatay an iya upod an kalayo.
