Pormal na nga ginkilala kumo pinakamakusog gumuliat ha kalibutan hi Joseph McGrail-Bateup, an opisyal nga town crier han Canberra, Australia. Dida han May, nakab-ot niya an Guinness World Record para ha titulo nga “loudest shout by an individual (male)”.
Nakaghipatik an iya guliat hin nakakabungol nga 122.4 decibels. An kakaiba nga kakusog han iya boses in maipaparehas ha kaaringasa han usa rock concert o paglupad han usa nga military jet.
Hi McGrail-Bateup, nga kilala gihapon ha ira lugar kumo Lord Joseph, in gintudlok kumo opisyal nga town crier han Canberra dida han 2017. Mas nagin seryoso an iya pagbulig ha mga kompetisyon dida han 2022 han bumulig hiya ha Ancient and Honourable Guild of Australian Town Criers.
Kumo usa nga anay world record holder ha pantag han archery didas han 2019, nagbiling hiya hin bag-o nga ayat yana nga tuig ngan nagdesisyon nga prubaran an titulo han pag-guliat. Mahuman mag-eksperimento kaupod an iya anak nga babaye agud mabilngan an perpekto nga pulong nga magpapagawas han pinakahitaas nga decibel. Hadto, an ginagamit hini nga pulong in “quiet” pero ha katapusan in “now” an ginpili hini.
Makalilipay naman huna-hunaon nga an pinakamaaringasa nga lalaki ha kalibutan yana in usa ngay-an nga mamingaw nga bata hadto. Gin amin ni McGrail-Bateup nga duro hiya hin ka-awdunon han iya kabataan ngan dire nagawas an iya makusog nga boses hasta nga bumulig hiya ha teatro.
An paghahag-id ha libong nga waray mikropono an nagduso ha iya agud mas pakusgon pa an iya boses.
