TACLOBAN CITY- Dakop an usa nga lalaki mahuman nga tigbason an iya kainom ha Brgy. Mahayahay, Sogod Southern Leyte.
Ginkilala an suspek nga hi Julie Espirito y Rosal, 47 anyos an pangidaron, inasaw-an, usa nga laborer ngan an biktima naman in hi Augustin Paler y Peleno, 54 anyos an pangidaron, inasaw-an, usa gihapon nga laborer ngan residente han mao nga lugar.
Basar han imbestigasyon, an mao nga biktima ngan suspek in nag-inom ha balay han suspek kun diin nagkaada hin diri pagkakaintindihay an duha han may ginyakan han biktima nga waray ayuni han suspek rason para tigbason niya an biktima gamit an sundang.
Nakakarawat hin samad o buno an mao nga biktima ha damo nga parte han iya lawas ngan dayon naman nga igindalagan ha Sogod District Hospital.
Ha pagkayana, in ada na ha kostudiya han Sogod MPS an mao nga suspek para ha kaangayan nga disposisyon.
Padayon naman nga gin-iimbestigahan han otoridad an mao nga insidente.
