TACLOBAN CITY — Dead on-the-spot an usa nga lalake nga aada ha sakto nga pangidaron mahuman panmumusilon ha Brgy. Catigbian, Laoang Northern Samar.
Kinilala an biktima kan Romulo Baluyot, 41-anyos ngan nag-uukoy mismo ha nasabi nga baranggay.
Sumala kan PMaj. Ricardo Banjawan, Chief of Police han Laoang Northern Samar MPS, basar ha inisyal nga imbestigasyon, ginsulod an biktima ha iya mismo panimalay han waray makilal-i nga suspek ngan didto naka higayon nga pagpusilon an biktima.
Nakag-angkon hin upat nga inig-an hin bala an biktima ha iya nawong ngan ha dughan hinungdan han kaawat hini.
Usa ha ginhihingita nga motibo han panmumusil-patay ha biktima in bahin hiton away ha tuna ngan waray na iba pa matungod basar hiton pahayag han pamilya ngan mga amyaw han biktima in waray hini may nakaaway ha ira lugar.
Narekober naman han mga otoridad ha mao nga area an tulo nga basiyo han kalibre 9mm.
Ha pagkayana in padayon pa an follow-up operation ngan mayda na gihapon person’s of interest an mga kapulisan bahin ha nagdumara hini nga panmumusil.
