Gindomina han San Antonio Spurs an mulay kontra Los Angeles Lakers kagab-i, Disyembre 11, ha iskor nga 132-119.
Waray makapalag an Lakers tikang ha katikangan kutob mahuman an mulay mahuman nga mapabilin han Spurs an 50% overall shooting kun diin naisulod han Spurs an 43 shots tikang ha 86 nga ginbuhian hine.
Ha dominante nga performance han Lakers, nakaptan hine an lead han kada paghuhuman han quarter kutob han pakasulod han 4th quarter, kun diin ginpirit hine nga paraon an double digit defict pero waray la gihapon ine magin supresyente.
Ha kaluyo han dire pagmumulay ni Spurs bigman Victor Wembanyama, igin poste han koponan an impresibo nga depensa ha kabug-usan han mulay, kun diin kumamada ine hin 50 rebounds ngan siyam nga steal ha kabug-usan han mulay.
Nanguna ha kadaugan han koponan an bagito nga guard nga hi Stephon Castle nga nagbursa hin 30 puntos ngan napulo nga rebounds.
Usa nga team effort an ginbuhat han koponan kun diin pito ha mga players hine an naghimo hin double-digit points.
Waray naman magin supresyente an 35 points nga iginsulod ni Lakers guard Luka Doncic nga iginbabad ha hard court ha sulod han 41 minutos.
Parehas nga kapot han duha nga western team an 17-7 win-loss record.
