TACLOBAN CITY – Patay an usa nga lalaki mahuman nga pagpamumusilon ha Brgy. Sampao, Almeria Biliran.
Ginkilala an biktima nga hi Mark Sabornido, 31 anyos, laborer ngan residente han Brgy. Pili ha Almeria.
Sumala kan PLt Edwin Simbajon, OIC Chief of Police Almeria Biliran, basar ha inisyal nga imbestigasyon, an biktima in nakada ha atubangan han Erika Garden han tigda nala ini nga pagpamumusilon han suspek nga sakay ha motor.
Nag-angkon hin mga inig-an hin bala ha ulo an biktima nga rason han iya dayon nga kamatayon.
Nahibaruan han mga kapulisan nga waray record an mao nga biktma haira buhatan pero ha police stations ha iba nga bungto in gin aalegar nga mayda ini record.
Ha pagkayana in mayda na kinikita nga anggulo an mga kapulisan ha mao nga insidente pero waray la anay ini nira ginpagawas ha publiko agud nga dire makompromiso an ira imbestigasyon nga gindudumara.
