Naglalaum an grupo nga Partido Manggagawa nga mababatian kan Presidente Ferdinand Marcos Jr. an lima nga dagko nga labor policies ngan labor issues ha iya ikalima nga State of the Nation Address (SONA).
Sumala kan Partido Manggagawa Chairman ngan anay Rep. Rene Magtubo, karuyag nira tagan hin pansin ni Presidente Marcos an paghitaas han unemployment ngan paghurak han contractualization.
Ikaduha in an paghitaas han presyo han papliton ngan dire makalanat nga weldo han mga empleyado, labi na an mga nakarawat la hin hamubo nga pasweldo.
Ikatulo in an pagbaton han presidente ha sobra nga ‘gap’ ha butnga han minimum wage ngan paghitaas han cost of living allowance ha bug-os nga nasud.
Ikaupat dinhi in an dire la gihapon nasosolbar nga iskandalo ha mga flood control ngan iba pa nga public infrastructure project nga duro gihapon nga nakaka-apekto ha mga kablas.
Katapusan in an kakurian han magkadiru-dilain nga sektor, mahitungod nga baga-baga hin nakalimtan na hira han gobyerno.
Sumala ha anay magbabalaod, kun nagin qoutable qoutes an pahayag ni Pang. Marcos nga ‘Mahiya Naman Kayo’ dida han ika-upat nga SONA, kinahanglan daw nga madugngan ini yana hin ‘Mahiya Naman Kayo sa Manggagawang Pilipino.’
Dugang pa, ha upat katuig nga paglingkod ni Presidente Marcos, dire pa naaabat han mga empleyado nga Pilipino an pag-upay han ira kabutang ngan baga-baga hin nakakalimtan na han administrasyon an sektor han pagmanupaktura.
