Nanawagan an NAGKAISA Labor Coalition nga ipatuman na an ginduduso nga plano nga P85 wage increase ha mga minimum wage earner, mahuman ini temporaryo nga ginsuspende han korte.
Sumala kan NAGKAISA Labor Coalition Chairperson Atty. Sonny G. Matula, nga ginhahangyo nira ha Korte Suprema nga dayon nga aksyunan an ira petisyon kontra ha suspensyon ha nasabi nga wage order.
Sumala hini, nga nai-intindihan nira nga dire la harumamay an pag-umento ha kinada-adlaw nga sweldo han mga empleyado pero kada-adlaw liwat in padayon nga nawawarayan hin insakto nga halin an mga empleyado samtang dire naipapatuman an siyahan nga tranche han wage increase, labi na nga nagpapabilin nga hitaas iton mga papliton ha pagkayana.
Ginduon hini nga umagi man ha kinahanglan nga konsultasyon, public hearings ngan deliberasyon ha mga tinaglawas han empleyado, employer ngan gobyerno an nasabi nga wage order ugsa ini naipatuman.
Dugang hini nga padayon nira nga ig-aato ini nga wage increase mahitungod nga dako iton maibubulig ini ha sektor han mga empleyado ngan ini gihapon in pag pahimangno ha gobyerno nga kinahanglan na nira gumi-os.
Samtang, gintagan-duon naman han Department of Labor and Employment, padayon nga nagbibiling an gobyerno hin mga pamaagi agud masolusyonan an mga pankinahanglan han sektor samtang ginrerespeto an proseso han Korte Suprema.
