ODD NEWS- Ginlunsar han usa nga kumpanya ha Japan an usa nga teknolohiya nga akos magpalutaw han bug-os nga balay kun umigo iton linog.
Manunumduman an Japan in ada ha pacific ring of fire —usa nga rehiyon ha ligid hiton Pacific Ocean nga aktibo ha mga linog ngan pagbuto hiton bulkan sugadman an upat nga tectonic plates nga nakapalibot ha nasud an (Pacific Plate, Philippine Sea Plate, Eurasian Plate, ngan North American Plate).
Sanglit naniguro an nasud nga maka-imbento han makabag-o nga teknolohiya nga akos ka-atubangon an linog.
An nasabi nga proyekto in ginpangunahan han imbentor nga hi Shoichi Sakamoto, nga nakabug-os hin kakaiba nga seismic isolation system nga akos alsahon an bug-os nga balay kun may linog.
Ha oras nga maka-abat hin pagbay-og, dayon nga nagpapagawas hin compressed air ha ilaorm hiton balay, ngan ine naman an magduduso paigbaw kutob ha 3 sentimetro—sadang na agud nga malikayan an pagbay-og.
Ha kaluyo hine, may pahinumdom an mga eksperto nga pwede probaran han mas makusog ngan multi-directional nga linog an limitasyon han imbensyon.
Ha pagkayana, ginduduso an crowdfunding agud nga maipasamwak an floating house system dire la ha Japan, magin ha iba pa nga parte han kalibutan.
