NATIONAL – Igin duon han Korte Suprema an importansya han pagkakamay-ada hin tuhat nga presohan ha mga naaresto ngan nadetine nga mga indibidwal.
Kun diin, iginpahinumdom han SC nga trabaho han gobyerno an makaghatag hin malimpyo, talwas, ngan sakto nga kagamita ha mga detention facilities.
Ine in kahuman han ira ginsapubliko nga pahayag nga gin ugupan han Second Division han Korte Suprema an pagbasura han Ombudsman ha reklamo nga ginsalawad han Commission on Human Rights kontra ha pira nga pulis han Tondo, Manila.
Basar ha ginsalawad nga kaso, gin akusaran daw han nasabi nga komisyon an mga opisyal ha pagkakamay-ada hin secret detention cell ha sulod han Raxabago Police Station 1.
Sugadman, syahan na nga ginbasura han Ombudsman an reklamo nga ginpasaka kontra ha haira mahitungod ha dire klaro nga kuha han video ngan ginkilala gihapon hine an isyu han mahuot nga mga presohan ha nasud.
Sanglit, kasumpay ha nasabi nga kaso in iginpahinumdom han Korte Suprema ha mga kapulisan nga ig mentinar an kamalimpyo han mga selda bisan paman kun usa la ine nga holding area.
