Natuod hi Ako Bicol Saro Partylist Rep. Terry Ridon nga an kooperasyon han hin-o man nga indibidwal ha anuman nga imbestigasyon, kaupod na an Independent Commission for Infrastructure in kinahanglan subay ha ira pagdig-on ha kamatuuran ngan dire ha kabalyon nga patapod nga proteksyon o immnunity kumo state witness.
Baton ine ni Ridon ha pagbaribad han mag-asawa nga Curlee ngan Sarah Discaya nga makigbinuligay ha ICI nga amu an nag-iimbestiga ha flood control anomaly.
Gin batikos ni Ridon an daw pagkonsidera ha mga Discaya kumo posible nga state witnesses.
Dugang pa hine, dire hira naangay ha sugad nga status mahitungod nga hira mismo an pangunahon nga dabi ha daw haluag nga korapsyon ha pondo han gobyerno, gamit an ira mga construction firm.
Ha butnga han padayon nga imbestigasyon, nanawagan hi Ridon hin patas ngan matuod-tuod nga imbestigasyon ha mga kaso, hin waray gin uugupan ngan waray kabalyo nga mga kasabutan.
