PALO, LEYTE – Natudlok kumo Deputy Secretary General han National Movement of Young Legislators hi Sanggunian Bayan Member Boycie Roca han Palo, Leyte.
Sumala kan Roca, an National Movement of Young Legislators in diri la liga han magkadiru-dilain nga posisyon ha Pilipinas; ginbubug-os ini han iba-iba nga Vice Governors, Board Members, Vice Mayors, ngan Councilors tikang ha bug-os nga nasud.
Gin dumara eleksyon kakulop nga adlaw, Pebrero 24, kun diin umabot ha sobra 1,600 nga young legislators an presente han katitirok. Ada naman ha 958 an kwalipikado nga nakabotos han piniliay.
Ha sobra 900 nga kabug-usan nga botos in nakakuha hin 904 nga botos tikang ha mga partisipante an opisyal.
Dako naman an pasasalamat hini ha mga bumutos ngan tumapod ha iya para han posisyon bisan kun dire hiya kilalado ha nasyunal.
Gintudlok naman kumo Presidente han liga hi Board Member Hervey Salazar han Cavite Province, kun diin gin saliwanan hini ha pwesto hi Vice Mayor Marlon Alejandrino han Valenzuela City.
