TACLOBAN CITY – Arestado an usa konsehal mahuman nga maaktuhan nga nagpapabuto gamit an iya pusil ha gawas han usa nga bulangan ha Brgy. Santarin Barugo, Leyte.
Ginkilala an mao nga suspek nga hi JC Cabanacan, 64 anyos an pangidaraon, konsehal han Barugo, ngan residente han Brgy. Pob. District 4 Barugo, Leyte.
Sumala kan Pol. Senior Master Sgt. Alberto Suan Jr., Duty Investigator han Barugo Municipal Police Station, rason han mao nga konsehal han iya pagpabuto hin duha kabeses gamit an iya pusil in mahitungod nga nauurit na daw ini nga waray hiya pakakaagi ha gawas han mao nga bulangan tungod han kadamo han tawo ngan mga sarakyan.
Nahisabutan nga waray naman kaaway o puntirya an mao nga konsehal ha iya ginbuhat nga pagpabuto.
Kakaatubangon han suspek an kaso nga may kalabutan ha RA 10591 o Comprehensive Firearms and Ammunitions Regulation Act.
