BASAHA | Ginmando na han Department of Transportation (DOTr) an temporaryo nga pag-papaundang han operasyon han tanan nga mga pampasaheros nga barko han Aleson Shipping Lines Inc. mahuman an natabo nga pagkalunod han MV Trisha Kerstin 3 ha Basilan nga gintatag-iyahan han nasabi nga kompaniya.
Sumala kan DOTr Acting Secretary Giovanni Lopez, ginmanduhan na niya an Maritime Industry Authority (MARINA), kasugbong an Philippine Coast Guard (PCG), nga magdumara hin maritime audit ha tanan nga mga barko ngan crew han Aleson Shipping Lines Inc.
Dugang pa han kalihim, magdudumara gihapon an ahensya hin haluag nga imbestigasyon ha natabo ha Basilan.
Gindig-unan ni Lopez nga papagbatunon hine an tanan nga responsable ngan magin an han-ay hiton shipping company o han gobyerno.
