NATIONAL – Waray magin malipayon an pagtapo han bag-o ngatuig para ha kompaniya nga E-Value Phils. Inc., mahuman hini ig-undang an operasyon dida han Disyembre 31, 2025 kasunod han desisyon nga dire na balabgan an mando han Securities and Exchange Commission nga bawi-on an ira accreditation.
Basar ha notisya, nasabtan han SEC nga an mga valuation report han E-Value para ha Villar Land ngan mga subsidiary hini nga suportado han negosyante nga hi anay Senate President Manuel “Manny” Villar Jr., in puno hin seryoso nga pagkukulang ngan dire matatapuran.
Ginpangunahan ni SEC Chairperson Francis Ed. Lim an kanselasyon han accreditation mahuman an onsite inspection nga nagpakita nga waray sumunod an kompaniya ha international valuation standards ngan kulang ha dokumento nga nasuporta ha dagko nga investments.
Sumala pa ha SEC, pakyas an appraiser nga tagan hin kabatonan an P1.33 trilyon nga paghitaas ha kantidad han mga ari-arian ngan tumalapas ha mga pangunahon nga prinsipyo han independence, professional competence, ngan objectivity.
Labot la hini ginsirotan han komisyon an pinakahataas nga multa nga P1M ngan ginmandohan an panibag-o nga appraisal para ha mga unit han Villar Land.
Ginpahimatngonan gihapon han SEC ngan sayop nga datos nga gingamit ha financial statements in puydi magdurot hin sayop nga impormasyonha mga mamumuhunan.
